آج عبدالحمیدعدم کی سال گرہ ہے

آج اردو کے ممتاز اور مقبول شاعرعبدالحمید عدم کی سال گرہ ہے۔عبدالحمید عدم 10 اپریل 1910ءکو تلونڈی موسیٰ خان، ضلع گوجرانوالہ میں پیدا ہوئے تھے۔

عدم ایک قادرالکلام شاعر تھےاورشاعری کی ہرصنف پرعبور رکھتے تھے مگرغزل اور رباعی ان کی خاص پہچان تھی۔

ان کی شاعری کے لاتعداد مجموعے شائع ہوئے جن میں نقش دوام، زلف پریشاں، خرابات، قصرشیریں، رم آہو، نگار خانہ، صنم کدہ، قول و قرار، زیر لب، شہر خوباں، گلنار، جنس گراں، گردش جام، عکس جام، ساز و صدف، آب رواں، شہر فرہاد، آب زر، سر و سمن اور بط مے کے نام سرفہرست ہیں۔

شاید مجھے نکال کہ پچھتا رہے ہوں آپ
محفل میں اس خیال سے پھر آگیا ہوں میں

ان کے کلام کی کلیات بھی شائع ہوچکی ہے۔عبدالحمید عدم 10مارچ 1981ءکو طویل علالت کے بعد لاہور میں وفات پاگئے اور لاہورکینٹ کے قبرستان میں آسودہ خاک ہوئے

کیوں نہ اک جھوٹی تسلی پہ قناعت کرلیں
لوگ کہتے ہیں عدمؔ، خواب حسیں ہوتے ہیں