اسلام آباد: الیکشن کمیشن نے تحریک انصاف کے رکن اعجاز چوہدری کی رکنیت منسوخ کردی ہے۔
تفصیلات کے مطابق پاکستان تحریک انصاف کے رکن قومی اسمبلی اعجاز چوہدری کی رکنیت اثاثے ظاہرنا کرنے کے الزام میں منسوخ کی گئی ہے۔
اعجاز چوہدری منڈی بہاء الدین کے حلقہ این اے 108 سے آزاد حیثیت میں رکن قومی اسمبلی منتخب ہوئے تھے۔
انتخابات میں کامیابی کے بع د اعجاز چوہدری نے مسلم لیگ ن میں دوبارہ شمولیت اختیارکی تھی اس سے قبل بھی وہ پاکستان مسلم لیگ ن کے ممبر رہ چکے تھے۔
پاکستان تحریک انصاف کی جانب سے مسلم لیگ ن کی حکومت کے خلاف دئیے گئے 126 روزہ دھرنے میں اعجاز چوہدری نے پی ٹی آئی میں شمولیت اختیار کی تھی اور عمران خان نے اسے بڑی فتح قرار دیا تھا۔
الیکشن کمیشن کے مطابق اثاثوں کو ظاہر نا کرنا قانوناً جرم ہے اس لیے اعجاز چوہدری کی رکنیت منسوخ کی گئی ہے۔