کراچی :جعفریہ الائنس نے کنور نویدجمیل کی حمایت کا اعلان کر دیا، رفصیلات کے مطابق جعفریہ الائنس نے این اے دو سو چھیالیس کے ضمنی انتخاب میں متحدہ قومی موومنٹ کے امیدوار کنور نوید جمیل کی حمایت کر دی ۔
جعفریہ الائنس کے جنرل سیکریٹری سلمان مجتبیٰ نے یہ اعلان گزشتہ روز ایم کیوایم کی رابطہ کمیٹی کے رکن عارف خان ایڈووکیٹ اور این اے دو سو چھیالیس سے امیدوار کنو رنوید جمیل سے اپنی رہائش گاہ پر ملاقات میں کیا۔
انہوں نےکنور نوید جمیل کو ضمنی الیکشن میں کامیابی پر پیشگی مبارکبادپیش کی ۔ عارف خان ایڈووکیٹ اور کنور نوید جمیل ایڈووکیٹ نے الطاف حسین کے نامزد امیدوار کی حمایت پر ان کا شکریہ ادا کیا۔
واضح رہے کی این اے دو سو چھیالیس کی نشست پر تیئس اپریل کو ضمنی انتخاب کیلئے پولنگ ہوگی مذکورہ حلقے میں ایم کیو ایم ، پی ٹی آئی، جماعت اسلامی اور دیگر امیدوار مد مقابل ہیں۔
Comments
ایک تبصرہ برائے “این اے 246: جعفریہ الائنس نے ایم کیو ایم کی حمایت کردی”