لاہور :الیکشن ٹریبونل میں حلقہ این اے ایک سو اٹھارہ دھاندلی کیس کی سماعت ہوئی عدالت نے حلقے کے مزید ننانوے تھیلوں کے ریکارڈ کی جانچ پڑتال کا حکم دے دیا۔
مسلم لیگ ن کے ایم این اے ملک ریاض نے الیکشن ٹریبونل میں درخواست دائر کی تھی ووٹوں کے ننانوے بیگ محکمہ خزانہ میں پڑے رہنے کی وجہ سے ان کی تاحال مکمل جانچ پڑتال نہیں ہوسکی لہذا حکم دیا جائے کہ ان تھیلوں کی بھی جانچ پرتال کی جائے جس پر عدالت نے کمیشن کو جانچ پڑتا ل مکمل کرکے سات جنوری کو رپورٹ پیش کرنے کی ہدایت کی۔
این اے ایک سو اٹھارہ سے ن لیگ کے ملک ریاض نے کامیابی حاصل کی جس کے خلاف پی ٹی آئی کے حامد زمان نے درخواست دائر کی تھی۔