خبردار ، نمک کا زیادہ استعمال خطرناک ہوسکتا ہے

ایک حد سے زیادہ نمک کی مقدار بھی ہمارے جسم کو کئی مہلک بیماریوں میں مبتلا کرسکتی ہے۔

عالمی ادارہ صحت کا ماننا ہے کہ روزانہ تین سے پانچ گرام نمک کا استعمال تو ٹھیک ہے لیکن اس سے زائد نمک کا استعمال انسانی جسم کے لئے نقصان دہ ہے ، ہمارے کھانے کچھ اس قسم کے ہیں کہ ہم نہ چاہتے ہوئے بھی آٹھ سے دس گرام یومیہ سوڈیم کھا لیتے ہیں جو کہ ہمارے جسم کے لئے مفید نہیں۔

اگر سوڈیم کی مقدار خون میں بڑھنا شروع ہوجائے تو گردوں کا کام متاثر ہوتا ہے اور سوڈیم کی زائد مقدار آہستہ آہستہ شریانوں کو بلاک کرنا شروع کر دیتی ہے اور اس طرح جسم ہائی بلڈ پریشر کا شکار ہونا شروع ہو جاتا ہے۔