کراچی :ملکی خزانےمیں ایک ارب بائیس کروڑ ڈالر آنےسےملکی زرمبادلہ کےذخائر پندرہ ارب ڈالر سے تجاوز کرگئے۔اسٹیٹ بینک کے مطابق اُنیس دسمبر کو ختم ہونے والے ہفتے کے دوران پاکستان کے ڈالر ڈپازٹس میں ایک ارب پانچ کروڑ اکسٹھ لاکھ ڈالرکا اضافہ ہوا۔
جس سے پاکستان کے پاس ڈالر ذخائر کی مجوعی مالیت پندرہ ارب دس کروڑ ڈالر تک پہنچ گئی ہے۔مرکزی بینک کے مطابق گذشتہ ہفتے آئی ایم ایف و دیگر ذرائع سے پاکستان کو ایک ارب 22 کروڑ ڈالر کا زرمبادلہ حاصل ہوا۔
جبکہ اسی دوران پاکستان نے بیرونی قرضوں پر سود کی ادائیگی کی مد میں گیارہ کروڑ چالیس لاکھ ڈالر کی ادائیگیاں بھی کیں۔