کینٹکی: سابق عالمی چیمپیئن باکسر امریکا کے محمد علی کو نمونیا کی وجہ سے اسپتال میں داخل کرادیا گیا ہے۔
امریکی ریاست کینٹکی سے تعلق رکھنے والے سابق عالمی چیمپیئن کے ترجمان کا کہنا ہے کہ محمد علی میں نمونیا کی بیماری ابتدائی مرحلے میں ہی تشخیص کرلی گئی تھی،بروقت علاج کی وجہ سےانکی حالت پہلے سے بہتر ہے۔انھیں جلد اسپتال سے فارغ کردیا جائیگا۔
ترجمان نے اسپتال کا نام اور دیگر تفصیلات میڈیا کو بتانے سے گریز کیا ہے۔ باہتر سالہ سابق باکسر کو تین مرتبہ عالمی چیمپیئن بننے کا اعزاز حاصل ہے، محمد علی پارکنسنز نامی مرض میں بیس برس سے زائد عرصے سے مبتلا ہیں۔