کراچی (ویب ڈیسک) – کرسمس آچکا ہے لیکن پاکستان کی مسیحی برادری نےسانحۂ پشاور کے شہیدوں اورزخمیوں سےاظہارِ یکجہتی کے لئے کراچی میں ایک امن ریلی کا انعقاد کیا۔
16 دسمبر،2014 کو پشاور میں واقع آرمی پبلک اسکول پر دہشت گردوں کے ایک خون آشام حملے میں 134 طلبہ سمیت تقریباً 150 شہید ہوئے تھے۔ حملے کی ذمہ دار تحریکِ طالبان پاکستان کے مہمند گروپ نے قبول کی تھی۔
پشاور میں ہونے والے اس سفاک حملے کی پوری دنیا نے مذمت کرتے ہوئے اسے غیر انسانی فعل قرار دیا تھا۔
