سعد رفیق دھاندلی سے قومی اسمبلی کے رکن منتخب ہوئے، شیریں مزاری

اسلام آباد: تحریک انصاف کی رہنماشیریں مزاری کا کہنا ہے کہ الیکشن ٹریبونل کی رپورٹ نے حلقہ این اے ایک سو پچیس میں ہونے والی دھاندلی کاپردہ چاک کردیا ہے۔

شیریں مزاری کا کہنا تھا کہ الیکشن ٹریبونل رپورٹ سے ثابت ہوگیا ہے کہ سعد رفیق دھاندلی سے قومی اسمبلی پہنچے اور عوام کے چوری کیے ہوئے مینڈیٹ سے وزارت پر فائز ہوئے ،ان کا کہنا تھا کہ سعد رفیق الیکشن ٹریبونل کی رپورٹ سے حواس باختہ ہوگئے ہیں لہذا ان کو زیب نہیں دیتا کہ سچائی منظر عام پر آنے کے بعد اپنے سیاسی مخالفین کیلئے ناشائستہ زبان استعمال کریں۔