عتیقہ اوڈھو شراب برآمدگی کیس سے بری

کراچی: مشہور پاکستانی اداکارہ اور سابق آل پاکستان مسلم لیگ کی رہنما عتیقہ اوڈھو شراب برآمدگی کیس سے بری ہوگئیں۔

تجربےکار پاکستانی اداکارہ اور ٹیلی وژن کی معروف فنکارہ عتیقی اوڈھو کو شراب برآمدگی کیس سے چار برس بعد بری کردیا گیا،  2011ء میں قومی ایئرلائن کی پرواز سے کراچی جاتے ہوئے عتیقہ اوڈھو کے سامان سے دو شراب کی بوتلیں برآمد ہوئیں تھیں۔

سپریم کورٹ کی طرف سے سوموٹو ایکشن لینے کے بعد تھانہ ایئرپورٹ پولیس نے عتیقہ اوڈھو کے خلاف دو بوتل شراب مقامی پرواز کے ذریعے اسلام آباد سے کراچی لے جانے کی کوشش میں مقدمہ درج کرکے کارروائی شروع کی تھی۔

تاہم عدالت نے چار سال بعد کیس کا فیصلہ سناتے ہوئے عتیقہ اوڈھو کو بری کردیا۔