فلسطین : فلسطینی اتھارٹی کو بین الاقوامی عدالت کی باقاعدہ رکنیت مل گئی۔
میڈیا رپورٹس کے مطابق فلسطینی اتھارٹی انٹرنیشنل کرمنل کورٹ کے ایک سو تیئسویں رکن بن گئی ہے، یہ فیصلہ فلسطینی حکام کےاس اعلان کے بعد ہوا، جو انھوں نے نوے دن قبل کیا تھا۔
جس میں انھوں نے آئی سی سی کا یہ حق تسلیم کیا تھا کہ وہ تیرہ جون دوہزار چودہ سے مشرقی یروشلم کے مقبوضہ علاقے،غرب اردن اور غزہ کی سر زمین پر ہونے والے مبینہ جرائم پر مقدمات کی تفتیش کرسکتی ہے۔
آئی سی سی میں تقریب کے بعد فلسطینی وزیرِخارجہ ریاض مالکی نے فلسطینی ریڈیو سے بات کرتے ہوئے بتایا کہ وہ اپنےعوام کو مایوس نہیں کرناچاہتے لیکن یہ بتانا چاہتے ہیں کہ آئی سی سی کا طریقہ کار بہت سست اور طویل ہے، اس میں اتنی رکاوٹیں ہیں کہ اس سارے معاملے میں برسوں لگ سکتے ہیں۔