کوئٹہ: بلوچستان کے علاقے قلات میں ایف سی کے ساتھ فائرنگ کے تبادلے میں نو شرپسند ہلاک جبکہ دو زخمی ہوگئے ہیں۔
ترجمان فرنٹیئر کور بلوچستان کے مطابق ضلع قلات کے علاقے مورگن ہربوئی میں حساس ادارے کی اطلاع پرایف سی نے سرچ آپریشن کیا۔
آپریشن کے دوران ایف سی اہلکاروں اورشرپسندوں کے درمیان فائرنگ کا تبادلہ ہوا جس کے نتیجے میں نو شرپسند ہلاک جبکہ دو زخمی ہوگئے جبکہ کارروائی کے دوران فائرنگ سے ایف سی کے دو اہلکاربھی زخمی ہوئے۔
ترجمان کا کہنا ہے کہ شرپسند پی پی ایل پروجیکٹ اور ہربوئی میں واقع ایف سی کی چیک پوسٹ پر حملے کی منصوبہ بندی کررہے تھے، شرپسندوں سے اسلحہ بھی برآمد کرلیا گیا ہے۔