اسلام آباد: وزیرِاعظم نے قومی ایکشن پلان پرمشاورت کے لئے اجلاس کل پھرطلب کرلیا، آج اجلاس میں وزیر اعظم نے اعلان کیا ہے کہ وہ قومی ایکشن پلان کی ذاتی طور پرنگرانی اورچاروں صوبوں کا دورہ کریں گے۔
وزیراعظم کی زیرصدارت قومی ایکشن پلان پرمزید غور کیلئے اجلاس کل ہو گا۔ آج کے اجلاس میں وزیر اعظم کا کہنا تھا کہ وہ قومی ایکشن پلان کی ذاتی طور پرنگرانی کریں گے۔
نواز شریف نے کہا کہ چاروں صوبوں میں جائیں گے اوروزرائے اعلی، سول وفوجی انٹیلی جنس حکام سے ملاقاتیں کریں گے۔
قومی ایکشن پلان پرعملدرآمد کیلئے بنائی جانے والی کمیٹی میں چوہدری نثار، پرویزرشید، احسن اقبال، سرتاج عزیزاور خواجہ آصف شامل ہوں گے۔
اجلاس میں طے کیا گیا کہ اٹارنی جنرل فوجی عدالتوں کے قیام کیلئے آئینی ترمیم کے حوالے سے سیاسی جماعتوں سے مشاورت کریں گے ، اجلاس سے خطاب میں وزیر اعظم کا کہنا تھا کہ دہشت گردی کےخاتمےکامرحلہ شروع ہوچکا، قومی لائحہ عمل کیلئے آئینی ترامیم پرفوری مشاورت کی جائے،حکومت دہشت گردی کےخلاف جنگ کی بھرپورحوصلہ افزائی کرے گی۔
انہوں نے ہدایت کی کہ وزارت خزانہ اوراسٹیٹ بینک دہشت گردوں کےفنڈزروکنےکی نگرانی کریں،وزارت دفاع کےتعاون سےاے ٹی ایف فوری تعینات کی جائےگی،فرقہ واریت پھیلانےوالے مواد پر پابندی کیلئے سخت قوانین وضع کیے جائیں،اقلیتی برادری کی لڑکیوں سے جبری شادیوں کو قابلِ سزا جرم بنائیں گے۔
وزیراعظم نے واضح الفاظ میںکہا کہ وہ دہشت گردی کے خلاف جنگ کو تیزکرنے کے لئےہفتوںکا نہیں دنوں کا وقت دے سکتے ہیں۔