کراچی: قومی جونئیر سلیکٹر باسط علی نے الزام عائد کیا ہے کہ پینٹینگولر کپ میں پسندیدہ کھلاڑی کو نہ کھلانے پر انہیں پرویز چانڈیو نامی شخص کی جانب سے جان سے مارنے کی دھمکیاں دی گئی ہیں۔
اے آر وائی نیوز سے گفتگو کرتے ہوئے باسط علی نے کہا کہ دھمکی دینے والے شخص پرویز چانڈیو کا تعلق دادو سے ہے اور وہ کراچی میں کام کرتا ہے۔
پرویز چانڈیو نے پینٹینگولر کپ میں زاہد محمود کو شامل نہ کرنے پر انہیں جان سے مارنے کی دھمکیاں دیں، باسط علی نے کہا کہ تمام معاملے سے پاکستان کرکٹ بورڈ اور اعلٰی حکام کو آگاہ کردیا ہے،اگر انہیں کچھ بھی ہوتا ہے ایف آئی آر پرویز چانڈیو کے خلاف درج کی جائے۔