منڈی بہاؤالدین : حلقہ این اے ایک سو آٹھ منڈی بہاؤالدین میں ضمنی الیکشن کا معرکہ آج ہوگا۔ حکمران جماعت ن لیگ اور تحریک انصاف کےدرمیان کانٹے کا مقابلہ متوقع ہے۔
قومی اسمبلی کی نشست این اےایک سو آٹھ۔ میں ضمنی الیکشن کادنگل آج آٹھ جون کو سجےگا .اصل مقابلہ حکمراں جاعت ن لیگ کےممتاز احمدتارڑ اورتحریک انصاف کےمحمدطارق تارڑکے درمیان ہوگا،
ضمنی الیکشن کی نشست پر پیپلزپارٹی جماعت اسلامی، ق لیگ راہ حق پارٹی اور ایک آزاد امیدوار بھی شامل ہے۔حلقے میں رجسٹرڈ ووٹرزکی تعدادچارلاکھ اکتیس ہزاردوسوانہترہے۔جبکہ دوسونواسی پولنگ اسٹیشن میں سے باسٹھ کوحساس قراردیاگیا۔
پولنگ عمل مکمل کرانےکیلئے عملےمیں شامل افراد کی تعداددوہزار چھپن ہے، دوہزار تیرہ کے عام انتخابات میں این اے ایک سو آٹھ سے اعجازاحمد چوہدری آزاد حیثیت سےکامیاب ہونے کے بعدتحریک انصاف شامل ہوگئے۔
الیکشن کمیشن نے اعجازچوہدری کی کامیابی کو جعلی ڈگری ثابت ہونے پرکالعدم قراردےدیا تھا، جس کے بعد مذکورہ نشست خالی تھی۔