لاہور: پاکستان کرکٹ بورڈ کے چیئرمین نجم سیٹھی آئی سی سی کی صدارت سےسابق کھلاڑیوں کے حق میں دستبردارہوگئے۔
تفصیلات کے مطابق اس فیصلے کا اعلان پی سی بی کے چیئرمین نجم سیٹھی نے سماجی رابطے کی ویب سائٹ ٹویٹرپرکیا ہے۔
اپنے ٹویٹر پیغام میں نجم سیٹھی نے کہا ہے کہ میں آئی سی سی کی صدارت سے دستبردار ہونے کافیصلہ کیا ہے۔ میری پی سی بی سے درخواست ہے کہ سابق کھلاڑیوں میں سے کسی بہترین کھلاڑی کو اس عہدے کے لئے نامزد کیا جائے۔
I have decided to step aside from ICC Presidency. I request PCB to nominate a great ex Test Cricketer for this position in spirit of game.
— Najam Sethi (@najamsethi) June 1, 2015
ان کا کہنا تھا کہ انہوں نے یہ فیصلہ کھیل کی روح کو برقرار رکھنے کے لئے کیا ہے۔
واضح رہے کہ نجم سیٹھی نے یکم جولائی 2015 کو آئی سی سی کی صدارت کا منصب سنبھالنا تھا۔