ہوبارٹ : چار ملکی ہاکی ٹورنامنٹ کے پہلے میچ میں آسٹریلیا نے پاکستان کو باآسانی چھ صفر سے شکست دے دی۔
کرکٹ کے بعد ہاکی کے میدان سے بھی اچھی خبر نہ آسکی, ہوبارٹ میں پاکستان ہاکی ٹیم کا مایوس کن آغاز آسٹریلیا نے چار ملکی ہاکی ٹورنامنٹ کے ابتدائی میچ میں گرین شرٹس کو چاروں شانے چت کردیا۔
کینگروز نے کھیل کے آغاز سے ہی پاکستان پر تابڑ توڑ حملے کئے، ابتدائی تین کوارٹر تک آسٹریلیا کو تین صفر کی برتری حاصل تھی۔
آخری کوارٹر میں بھی پاکستانی کھلاڑی کم بیک نہ کرسکے، آسٹریلیا نے مزید تین گول داغ کر میچ چھ صفر سے اپنے نام کرلیا۔