اسلام آباد: تحریک انصاف نے چوہدری سرور کو سب سے زیادہ اختیارات رکھنے والی سیاسی کمیٹی کا رکن نامزد کر دیا سیکرٹری جنرل جہانگیر ترین کی جانب سے جاری نوٹیفیکیشن اے آر وائی نیوز نے حاصل کر لیا۔
تحریک انصاف میں شمولیت اختیار کرنے والے چوہدری سرور کو چار رکنی سیاسی کمیٹی کی رکنیت عمران خان کی ہدایت پر دی گئی جس کا نوٹیفیکیشن پارٹی کی سیکرٹری جنرل جہانگیر ترین نے جاری کیا۔
سیاسی کمیٹی اس سے قبل چار ممبران پر مشتمل تھی جن میں شاہ محمود قریشی جہانگیر ترین،سیف اللہ نیازی اور عامر کیانی شامل تھے ۔
\تاہم اب چوہدری سرور بھی اس کمیٹی کا حصہ ہوں گے۔چیئر مین پی ٹی آئی عمران خان نے کمیٹی کو ملک اور بیرون ملک اچھی شہرت کے حامل لوگوں سے رابطے اورجماعت میں شامل کرنے کا ٹاسک دے دیا ہے۔