اسلام آباد: پاک چین اقتصادی راہداری معاہدے کے تحت اٹھائیس ارب ڈالر مالیت کے منصوبے فاسٹ ٹریک بنیادوں پر مکمل کئے جائیں گے۔
منصوبہ بندی کمیشن کے مطابق اٹھائیس ارب ڈالر کے منصوبوں کیلئے تمام تکنیکی معاملات مکمل کیے جا چکے ہیں اور یہ منصوبے فوری شروع کیے جائیں گے۔
ان میں چھ توانائی کے منصوبے، قراقرم ہائی وے کی توسیع، کراچی لاہور موٹر وے، گوادر پورٹ ایزی ایکسپرس وے اور گوادر ائیرپورٹ شامل ہیں، بقیہ سترہ ارب ڈالر کے منصوبے تکنیکی معاملات طے پا جانے کے بعد میں شروع کئے جائیں گے۔
اقتصادی راہداری کے تحت مجموعی طور پر تینتس ارب ڈالر کے توانائی کے منصوبے اور گیارہ ارب کے انفراسٹرکچر کے منصوبے شامل ہیں۔