کراچی: کامیڈی سے بھرپوراسٹیج پلے ، یو اونلی میری ٹوائس نے کراچی میں لوگوں کے دل جیت لئے۔
مشہورڈائرکٹرشاہ شرابیل کا ڈائرکٹ کردہ ڈرامہ یواونلی میری ٹوائس تیس مارچ کو کراچی آرٹس کونسل میں پیش کیا گیا جوانیس اپریل تک دکھایا جائے گا۔
یو اونلی میری ٹوائس اپنے دلچسپ جملوں اور خوبصورت مزاح کے ذریعے دیکھنے والوں کو معیاری تفریح فراہم کررہا ہے۔
مزاحیہ تھیٹر میں ایک ایسے کردار کو پیش کیا گیا ہے جس نے دو شادیاں کررکھی ہیں اور وہ اپنی شادیوں کو بیویوں سے چھپانے کیلئے طرح طرح کے انداز اپناتا ہے ۔
شرکاء ڈیڑھ گھنٹے دورانیہ کے تھیٹر سے بہت محضوظ ہوئے، شرابیل شاہ اوران کی ٹیم اس سے قبل فینٹم آف اوپرا، مولن روگ اوربمبئی ڈریمز جیسے مشہورڈرامے پیش کرچکی ہے ۔