اسلام آباد: وفاقی وزیر برائے بجلی و آب پاشی خواجہ آصف نے کراچی میں گرمی کی شدید لہر کے دوران ہونے والی اموات کا ذمہ دارسندھ حکومت کو قراردے دیا۔
تفصیلات کے مطابق آج بروزجمعرات قومی اسمبلی میں خطاب کرتے ہوئے خواجہ آصف کا کہنا تھا کہ کراچی میں بجلی تقسیم کرنے کی ذںہ دار کے الیکٹرک ہے، کراچی کے شہریوں کی مشکلات دیکھتے ہوئے وفاقی حکومت پہلے ہی 650 میگا واٹ فراہم کررہی ہے۔
ان کا کہنا تھا کہ کے الیکٹرک ایک نجی کمپنی ہے جس نے سوئی گیس اور پی ایس اوکے 57 بلین روپے ادا کرنے ہیں۔
انہوں نے یہ بھی کہا کہ وزیراعظم کے وعدے کے مطابق سحراورافطارمیں لوڈ شیڈنگ نہیں کی جارہی۔
ان کا کہنا تھا کہ شہری علاقوں میں پانچ گھنٹے جبکہ دیہی علاقوں میں آٹھ گنٹھے لوڈ شیڈنگ کی جارہی ہے۔