کراچی : خشک سالی کے شکار کراچی میں مصنوعی بارش کی تیاریاں کی جا رہی ہیں، اس سے قبل تھرمیں بھی مصنوعی بارش برسائی جا چکی ہے۔
تھرپارکر بارش میں آرمی ایوی ایشن نےحصہ لیاتھا، تفصیلات کے مطابق پاکستان میں مصنوعی بارش کسی دیوانے کا خواب نہیں۔
ایسا پہلے بھی پرویز مشرف دور میں ہو چکا ہے۔ اس وقت قحط کے شکار تھر پارکر میں میگھا رت لانے کی مہم کے سربراہ طیب آرائیں تھے ۔
کراچی میں مصنوعی بارش کیلئے ڈی جی پورٹ اینڈ شپنگ عبدالمالک غوری نے منگل کو ہنگامی اجلاس طلب کر لیا ہے۔ جس میں محکمہ موسمیات سول ایوی ایشن اتھارٹی اور دیگر محکمے شامل ہونگے۔
تھرپارکر میں بارش کیلئے آرمی ایوی ایشن کے طیارے استعمال ہو ئے تھے۔ مصنوعی بارش کئی طریقوں سے برسائی جا سکتی ہے۔
کراچی میں بڑی مقدار میں مصنوعی بارش کیلئے کون سا طریقہ استعمال کیا جائے۔ ماہرین آج سر جوڑ کر بیٹھیں گے۔