پنجاب : تحریکِ انصاف میں کنٹونمنٹ بورڈ کے انتخابات کیلئے ٹکٹوں کی تقسیم پر اختلافات سامنے آگئے، اعجاز چوہدری کا کہنا ہے کہ جنھیں ٹکٹ نہیں ملے انہیں اگلے مرحلے میں ایڈجسٹ کیا جائے گا۔
پنجاب میں کنٹونمنٹ انتخابات میں امیدوار کون ہوگا، تحریک انصاف میں اختلافات سر اٹھانے لگے، ذرائع کے مطابق پارٹی میں ٹکٹ دینے کے معاملے پر اختلافات سامنے آئے۔
گزشتہ روز اجلاس میں صوبائی صدر اعجاز چودھری اور عبدالعلیم خان میں جھگڑ اہوا تھا، جس کے بعد شاہ محمود قریشی ناراض ہوکر وہاں سے چلے گئے تھے۔
صوبائی قیادت سے لڑائی کے بعد ضلعی تنظیم نے اجلاس طلب کرلیا ہے، صوبائی صدر اعجاز چودھری کا کہنا ہے پارٹی سربراہ عمران خان کی ہدایت پر تین رکنی مصالحتی کمیٹی تشکیل دی جارہی ہے۔
ہر نشست پر پانچ سے زائد امیدواروں نے کاغذات نامزدگی جمع کرائے ہیں، جن کارکنان کو ٹکٹ نہیں ملے، انہیں اگلے مرحلے میں ایڈجسٹ کیا جائے گا۔