چترال: نئے سال کو خوش آمدید کہنے کے لئے کیلاش قبیلے کا چھومس تہوار اپنی تمام تر رنگینیوں کے ساتھ جاری ہے، تہوار میں ملکی اور غیرملکی سیاحوں کی بڑی تعداد میں شریک ہے۔
چترال میں کیلاش قبیلے کے لوگ جھوم رہے ، گا رہے اور خوشیاں منارہے ہیں، یہ جشن نئے سال کی آمد پر ہے، جو ہر سال سات دسمبر سے تیس دسمبر تک منایا جاتا ہے، اس تہوار کو چھومس کہا جاتا ہے۔
اس تہوار میں خاص پکوان بنائے جاتے ہیں اور زرق برق کپڑے زیب تن کئے جاتے ہیں، خواتین بھی خوب سجتی سنورتی ہیں، اپنے مخصوص انداز میں رقص کرتی اور گیت گاتی ہیں۔
کیلاش کے لوگ نئے سال کے لئے نئی امید جگاتے اور بیش گوئیاں کرتے ہیں ۔
کیلاش مرد پہاڑوں کے اوپرمشعل لے کر مخصوص راستوں سے گزرتے ہیں اور سیٹیاں بجاکر اپنی خوشی کا اظہار کرتے ہیں، ناچنے گانے اور خوشیاں منانے کے بعد جوڑے اپنی شادی کا اعلان کرتے ہیں۔