یمن جنگ : وزیر اعظم نے غلطی کی تو بڑی قیمت چکانی پڑے گی،خورشید شاہ

اسلام آباد : قومی اسمبلی میں قائد حزب اختلاف خورشید شاہ نے کہا ہے کہ وزیراعظم نواز شریف نے پارلیمان کی قرارداد کے خلاف بات کی تو بڑی قیمت ادا کرنا پڑے گی۔

سید خورشیدشاہ نے کہا کہ پارلیمانی قرارداد کےبعد وزیراعظم کو وضاحت کے بجائےحکومتی پالیسی دینی چاہئیے تھی۔

انہوں نے کہا کہ یمن میں پاکستانی فوج بھیجنے کے بارے میں فیصلہ ہوا تھا کہ پاکستان کسی کی جنگ نہیں لڑے گا۔

ان کا کہنا تھا کہ پارلیمینٹ کی قرارداد واضح تھی کہ اگر سعودی عرب کی جغرافیائی سالمیت کو خطرہ ہوا تو پاکستان شانہ بشانہ کھڑا ہوگا۔ خورشید شاہ نے کہا کہ انہیں امید ہے کہ وزیراعظم کوئی بڑی غلطی نہیں کریں گے۔