اسلام آباد: پاکستان میں تعینات آسٹریلوی ہائی کمشنر کا کہنا ہے کہ پاکستان ٹیم نے ایونٹ میں شاندار پرفارمنس سےدل جیت لئے۔
تفصیلات کے مطابق سماجی رابطے کی ویب سائٹ ٹوئٹر پر جاری پیغام میں آسٹریلوی ہائی کمشنر ڈاکٹر جیفری شا نے کہا کہ کل رات کا میچ کا سنسنی خیز تھا، آسٹریلوی ٹیم کو جیت پر مبارکباد دیتا ہوں۔
ڈاکٹر جیفری شا نے کہا کہ ہار جیت کھیل کا حصہ ہے ،پاکستان ٹیم نے بہترین کھیلا، پاکستان ٹیم نے ایونٹ میں شاندار پرفارمنس سےدل جیت لئے۔
آسٹریلوی ہائی کمشنر ڈاکٹر جیفری شا نے یہ پیغام وزیراعظم عمران خان نے ٹوئٹ پر ری ٹوئٹ کرتے ہوئے لکھا۔
اس سے قبل وزیراعظم عمران خان نے سماجی رابطے کی ویب سائٹ ٹویٹر پر اپنے پیغام میں کہا تھا کہ ’میں جانتا ہوں کہ اس وقت بابر اعظم اور ٹیم کے کیا جذبات ہیں؟ میں نے بھی کرکٹ کے میدان میں اسی طرح کی مایوسی کا سامنا کیا۔
وزیراعظم کا کہنا تھا کہ آپ نے اپنی کامیابیوں پر عاجزی کا مظاہرہ کیا جو قابل فخر ہے، ساتھ ہی عمران خان نے کامیابی پر آسٹریلیا کی ٹیم کو مبارک باد بھی دی۔
What a thrilling match, last night!
Congrats Team Australia.
Well played #TeamPakistan. Winning and losing is part of the game, but you won many hearts by your outstanding performance throughout the tournament. #PAKvAUS https://t.co/Psyo7C1LRB— Neil Hawkins (@AusHCPak) November 12, 2021
واضح رہے کہ آسٹریلیا نے گذشتہ رات پاکستان کو ٹی 20 ورلڈ کپ کے دوسرے سیمی فائنل میں پانچ وکٹوں سے شکست دے کر فائنل کے لیے کوالیفائی کیا۔