اسلآم آباد : حالیہ مون سون بارشوں سے جانی و مالی نقصان کے حوالے سے رپورٹ جاری کردی گئی ، جس میں بتایا 25 جون سے اب تک ملک بھر میں 133 افراد جان کی بازی ہار گئے۔
تفصیلات کے مطابق ملک بھر میں طاقتور مون سون اسپیل جاری ہے، حالیہ مون سون بارشوں سےجانی و مالی نقصان کے حوالے سے نیشنل ڈیزاسٹر مینجمنٹ اتھارٹی نے رپورٹ جاری کردی۔
رپورٹ میں کہا گیا کہ 25 جون سے اب تک ملک بھر میں 133 افراد جان کی بازی ہار گئے، مرنے والوں میں 57 مرد، 21 خواتین اور 55 بچے شامل ہیں۔
رپورٹ میں بتایا گیا کہ سب سے زیادہ اموات پنجاب میں 65 ہوئیں جبکہ خیبرپختونخوا سے35، بلوچستان سے 6 اموات رپورٹ ہوئیں۔
نیشنل ڈیزاسٹر مینجمنٹ اتھارٹی کا کہنا تھا کہ سندھ سے 10 اور آزاد کشمیر سے 5 افردا زندگی کی بازی ہار گئے، مون سون سے وفاقی دارالحکومت اسلام آباد میں 11 افرادجان سے گئے۔
رپورٹ کے مطابق حالیہ بارشوں سے ملک بھر میں کل 215 افراد زخمی ہوئے، زخمیوں میں 87 ،مرد 56 ،خواتین اور 72 بچے شامل ہیں، ملک بھر میں مجموعی طورپر 368 گھروں کو نقصان پہنچا۔