1965 میں بھارتی فوج کا رات کی تاریکی میں لاہور پر قبضے کا خواب لیے پاکستان پر حملہ اس کے ایک جنرل کے جیپ چھوڑ کر بھاگ نکلنے سے بھی یادگار ہے۔
سال 1965 میں غرور اور برتری کے گھمنڈ میں مبتلا بھارتی فوج کا رات کی تاریکی میں لاہور پر قبضے کا خواب لیے پاکستان پر حملہ کیا لیکن اس کا بزدل جنرل اپنی اسٹار پلیٹ اور جھنڈا لگی جیپ چھوڑ کر بھاگ نکلا۔
پاکستان پر حملے کے وقت جنرل نرنجن پرساد نے دعویٰ کیا تھا کہ اس کے بریگیڈ لاہور پر دستک دے رہے ہیں، لیکن 15 بھارتی انفنٹری ڈویژن کے لاہور پر ناکام حملوں کے بعد بھارتی ہائی کمان شدید ہیجان اور پریشانی کا شکار ہو گئی تھی۔
بھارتی ہائی کمان نے جنرل نرنجن پرساد کو فرنٹ لائن پر جا کر حقائق کی تصدیق کا حکم دیا۔ زمینی حقائق سے بے خبر جی او سی 15 بھارتی انفنٹری ڈویژن میجرجنرل نرنجن پرساد فرنٹ لائن کی طرف نکل پڑا لیکن واہگہ کے محاذ پر بی آر بی نہر پہنچنے پر پاکستانی فوج نے بھارتی جنرل کو آڑے ہاتھوں لیا۔
شدید کنفیوژن کا شکار بزدل بھارتی جنرل اپنی اسٹار پلیٹ اورجھنڈا لگی جیپ چھوڑ کربھاگ نکلا۔ پاک فوج نے بھارتی جنرل کی جیپ، نقشے اور جنگی پلان قبضے میں لے لیے۔
میجر جنرل نرنجن پرساد کی جیپ فتح کے نشان کے طور پر آج بھی آرمی میوزیم میں موجود ہے۔