روسی میڈیا نے دعویٰ کیا ہے کہ اب تک 300 فرانسیسی یوکرین میں روس سے لڑنے کے لیے آچکے ہیں۔
بین الاقوامی خبر رساں ادارے کی رپورٹ کے مطابق روسی میڈیا کا کہنا ہے کہ 130 فرانسیسی جنگ میں مارے گئے ہیں جبکہ 170 یوکرین چھوڑ کر جا چکے۔
فرانس نے مذکورہ رپورٹ سامنے آنے کے بعد روسی میڈیا رپورٹ کی تردید کرتے ہوئے روس میں فرانسیسی سفیر کو وزارت خارجہ طلب کرلیا ہے۔
سلامتی کونسل میں روس کے وزیر خارجہ نے کہا کہ یوکرینی فوجی جان بوجھ کر روس میں شہری اہداف پر حملے کر رہے ہیں، روسی شہریوں کا خون یوکرینی فوج کو مسلح کرنے والوں کے ہاتھ پر ہے۔
دوسری جانب اسرائیل کی قومی سلامتی کے وزیر بین گویر نے کہا ہے کہ غزہ جنگ ختم ہوئی تو اسرائیلی حکومت ختم ہو جائے گی۔
اسرائیلی اخبارات Haaretz اور Maariv کا کہنا ہے کہ اسرائیل کے انتہائی دائیں بازو کے قومی سلامتی کے وزیر نے پارٹی کے اجلاس کے دوران وزیراعظم بنجمن نیتن یاہو کو ردعمل دینے کی ہدایت کی ہے۔
چین اور کرغزستان کے سرحدی علاقوں میں 7.1 شدت کا زلزلہ
بین گویر، جو بڑی سیکیورٹی کابینہ کا حصہ ہیں لیکن جنگی کابینہ کا نہیں ہیں نے حالیہ ہفتوں میں کئی مواقع پر نیتن یاہو کے ساتھ جھڑپیں کر چکے ہیں۔