راولپنڈی: سکیورٹی فورسز اور خوارج کے درمیان خیبر کی وادی تیراہ میں 3 مقامات پر فائرنگ کا تبادلہ ہوا ہے۔
فوج کے شعبہ تعلقات عامہ (آئی ایس پی آر) سکیورٹی فورسز کی فائرنگ کے تبادلے میں 4 خوارج مارے گئے جبکہ اس دوران وطن کے 3 بہادر سپوت شہید ہوئے۔
آئی ایس پی آر نے بتایا کہ علاقے میں پائے جانے والے خوارج کو ختم کرنے کیلیے آپریشن جاری رہا، سکیورٹی فورسز دہشتگردی کی لعنت کو ختم کرنے کیلیے پُرعزم ہیں، بہادر سپاہیوں کی قربانیاں ہمارے عزم کو مزید مضبوط کرتی ہیں۔
شہدا میں 37 سالہ حوالدار انعام گل کا تعلق ضلع میانوالی سے ہے جس نے 15 سال 6 ماہ تک وطن عزیز کے دفاع کا فریضہ سر انجام دیا۔
سپاہی محمد عمران شہید کی عمر 29 برس ہے اور ضلع ٹانک کے رہائشی ہیں۔ انہوں نے 9 سال تک وطن عزیز کے دفاع کا فریضہ سر انجام دیا۔
سپاہی محمد الطاف خان شہید کی عمر 22 سال ہے تعلق ضلع مردان سے ہے۔ انہوں نے 2 سال تک وطن عزیز کے دفاع کا فریضہ سر انجام دیا۔