جمیکا: پاکستان اور ویسٹ انڈیز کے درمیان جاری دوسرے ٹیسٹ میچ کا دوسرا روز بارش کے باعث تاخیر کا شکار ہوگیا۔
تفصیلات کے مطابق پاکستان اور ویسٹ انڈیز کے درمیان جاری دوسرے ٹیسٹ میچ کے دوسرے روز بادل برس گئے جس کے باعث ایک گیند بھی نہیں پھینکی جاسکی اور میچ تاحال تاخیر کا شکار ہے۔
ٹیسٹ کے پہلے دن پاکستان نے صرف دو رنز پر تین کھلاڑی آؤٹ ہونے کے بعد کپتان بابر اعظم اور فواد عالم کی نصف سنچریوں کی بدولت چار وکٹ پر 212 رنز بنائے تھے۔
ٹیسٹ کے پہلے روز ویسٹ انڈیز نے ٹاس جیت کر فیلڈنگ کا فیصلہ کیا۔
Early lunch has been taken after the first session of day two was washed out due to rain 🌧#WTC23 | #WIvPAK | https://t.co/VC18O4uj1h pic.twitter.com/xbANSG017j
— ICC (@ICC) August 21, 2021
پاکستانی اوپنر عابد علی ایک رن بنا کر آؤٹ ہوئے ، اسکور دو ہوا تو اظہر علی اور عمران بٹ بھی پویلین لوٹ گئے۔ایسے میں کپتان بابر اعظم اور فواد عالم نے ٹیم کو سنبھالا۔دونوں نے چوتھی وکٹ پر 158 رنز کی شراکت بنائی۔
فواد عالم جب 76 کے انفرادی اسکور پر پہنچے تو ریٹائرڈ ہرٹ ہوگئے، کپتان بابر اعظم 75 رنز بناکر کیمار روچ کا شکار بنے۔
پہلے دن کے اختتام تک پاکستان نے چار وکٹ پر 212 رنز بنالیے تھے۔ فہیم اشرف 23 اور محمد رضوان 22 رنز بناکر کریز پر موجود ہیں۔
واضح رہے کہ پہلے ٹیسٹ میچ میں ویسٹ انڈیز نے پاکستان کو سنسنی خیز مقابلے کے بعد ایک وکٹ سے شکست دی تھی، میزبان ٹیم نے پاکستان کی جانب سے دیا جانے والا 168 رنز کا ہدف 9 وکٹوں کے نقصان پر حاصل کیا تھا۔