قومی ٹیم کے نوجوان فاسٹ بولر شاہین شاہ آفریدی کو خیبرپختونخوا پولیس کا ایمبسیڈر مقرر کردیا گیا۔
قومی ٹیم کے فاسٹ بولر شاہین شاہ آفریدی نے سینٹرل پولیس آفس پشاور میں آئی جی کے پی معظم جاہ انصاری سے ملاقات کی اس موقع پر ان کے ساتھ کرکٹر ارشد خان بھی موجود تھے۔
آئی جی نے شاہین آفریدی کو پولیس فورس کا برانڈ ایمبسیڈر مقرر کرنے کی پیشکش کی جسے فاسٹ بولر نے قبول کرلیا۔
شاہین آفریدی نے آئی جی کی پیشکش کو قبول کرکے اسے اپنے لیے اعزاز قرار دیا۔
سُپر اسٹار پاکستانی فاسٹ باﺅلر شاہین شاہ آفریدی نے آج سنٹرل پولیس آفس پشاور میں انسپکٹر جنرل آف پولیس خیبرپختونخوا معظم جاہ انصاری سے ان کے دفتر میں ملاقات کی۔ سابق پاکستانی کرکٹر ارشد خان بھی ان کے ہمراہ تھے۔ pic.twitter.com/SsHdNtNJaZ
— KP Police (@KP_Police1) December 30, 2021
واضح رہے کہ گزشتہ روز شاہین شاہ آفریدی نے پرائم انسٹی ٹیوٹ آف ہیلتھ اینڈ سائنسز میں منعقدہ اسپورٹس گالا ایونٹ میں شرکت کی تھی اور ٹوئٹر پر ایونٹ کی تصاویر شیئر کرتے ہوئے اپنی دلی خواہش سے متعلق مداحوں کو آگاہ کیا تھا۔
شاہین نے اپنی ٹوئٹ میں لکھا تھا کہ تعلیم کا فروغ ایک ایسی کوشش ہے جو میرے دل کے قریب ہے۔
شاہین نے تقریب میں شرکت پر خوشی کا اظہار کیا اور جامعہ کے طلبہ کے لیے اسکالر شپ کے اعلان پر چیئرمین انسٹی ٹیوٹ عبد الواجد کی کاوشوں کو سراہا۔
Promoting education is an effort that is close to my heart. It was a pleasure to attend Sports Gala event at Prime Institute of Health & Sciences. A commendable effort by the institute Chairman Mr. Abdul Wajid to award 40 fully-funded scholarship to the deserving students of KPK pic.twitter.com/CZHmnT9oon
— Shaheen Shah Afridi (@iShaheenAfridi) December 28, 2021
کرکٹر نے کہاکہ انسٹی ٹیوٹ کے چیئرمین عبدالواجد کی طرف سے خیبرپختونخوا کے مستحق طلبہ کو 40 مکمل فنڈڈ اسکالرشپ دینا ایک قابل تحسین کاوش ہے۔