پاکستان کے 76 ویں یوم آزادی کے موقع پر آج پاکستان ملٹری اکیڈمی کاکول میں آزادی پریڈ ہوگی جس کا انعقاد 13 اور 14 اگست کی درمیانی شب کیا جائے گا۔
اے آر وائی نیوز کے مطابق پاکستان کے 76 ویں یوم آزادی کے موقع پر آج پاکستان ملٹری اکیڈمی کاکول میں آزادی پریڈ ہوگی جس کا انعقاد 13 اور 14 اگست کی درمیانی شب کیا جائے گا۔ چیف آف آرمی اسٹاف جنرل سید عاصم منیر اس شاندار تقریب کے مہمان خصوصی ہوں گے۔
آزادی پریڈ کے موقع پر پی ایم اے کے کیڈٹس مخصوص انداز میں ڈرل پریڈ کی مہارت کا شاندار مظاہرہ پیش کرکے سر زمین پاکستان اور مادر وطن کے شہدا کو خصوصی خراج تحسین پیش کریں گے۔
یہ تقریب اس حقیقت کا والہانہ اظہار ہوگا کہ پاکستانی قوم ایک زندہ دل قوم ہے جو اپنی آزادی کا جشن بھرپور اور پرجوش انداز سے مناتی ہے۔