اسلام آباد: تحریک انصاف کے سربراہ عمران خان کا کہنا ہےکہ حلقہ ایک سو بائیس میں ن لیگ کو نہیں اسٹیٹس کواوردھاندلی کو شکست دیں گے۔
تحریک انصاف کے سربراہ عمران خان نے اے آر وائی نیوز کے پروگرام سوال یہ ہے میں گفتگو کرتے ہوئے کہا کہ تحریک انصاف حلقہ ایک سو بائیس میں اسٹیٹس کو اور دھاندلی کے مدمقابل ہے۔
عمران خان نے لاہور کے حلقہ ایک سو بائیس میں کامیابی کو ضروری قراردیا، کپتان کا کہنا تھا کہ موجودہ الیکشن کمیشن کے زیرنگرانی انتخابات بھی دھاندلی ہی ہے۔
عمران خان کا مزید کہنا تھا کہ لاہور کے عوام نے ہمیشہ ساتھ دیا اس بار بھی کامیابی تحریک انصاف کی ہوگی۔