اسلام آباد: عمران خان نے کہا ہے کہ بلوچستان کو بندوق نہیں ،انصاف سے ساتھ رکھنا ہے، ناانصافیاں ہوں گی توعلیحدگی کی تحریک بھی چلے گی۔
سابق وزیراعلٰی بلوچستان اخترمینگل نے عمران خان کوآل پارٹیز کانفرنس میں شرکت کی دعوت دی، عمران خان نے کہا کہ بلوچستان میں آپریشن مسئلے کاحل نہیں، پاک چین اقتصادی راہداری قوم کومتحد رکھنے کاسنہری موقع ہے۔
سرداراخترمینگل نے کہا کہ پہلے ہمیں ہماری زمین کا مالک بنایا جائے،اس کے بعد روٹ کےمسائل پر بھی بات چیت ہوجائے گی، صرف سڑک دینی ہے تووہ ہم خود بھی بناسکتے ہیں۔
عمران خان نے اخترمینگل کی دعوت قبول کرتے ہوئےکہا کہ دس جنوری کواخترمینگل کی آل پارٹیزکانفرنس میں شرکت کریں گے۔