وزیراعظم کو ٹانگ میں انفیکشن کی وجہ سے بخار ہے، جلد اسلام آباد جائیں گے، مریم نواز

لاہور: وزیراعظم کی صحت سے متعلق مریم نواز انکی صاحبزادی مریم نواز نے کہا ہے کہ وزیراعظم کو ٹانگ میں انفیکشن کی وجہ سے بخار ہے اور وہ جلد اسلام آباد جائیں گے۔

تفصیلات کے مطابق سماجی رابطے کی ویب سائٹ ٹوئٹر پر اپنے بیان میں مریم نواز شریف کا کہنا ہے کہ وزیراعظم کو ٹانگ میں انفیکشن کی وجہ سے بخار ہے اور اس کا اینٹی بائیوٹک ادویات کے ذریعے علاج کیا جارہا ہے، انشاء اللہ وزیراعظم نواز شریف جلد اسلام آباد میں ہوں گے ۔

PM had fever bcoz of infection in part of his leg incision which is being treated with antibiotics. He's better now & will be in Isb soon IA

— Maryam Nawaz Sharif (@MaryamNSharif) July 19, 2016

اس سے قبل حکومتی ترجمان نے بیان جاری کیا تھا کہ وزیر اعظم نواز شریف کو پاؤں میں انفیکشن کی وجہ سے بخار ہوگیا، جس کے باعث وہ اسلام آباد نہیں جاسکے، ڈاکٹروں نے آرام کا مشورہ دے دیا ہے، ٹھیک ہوتے ہی اسلام آباد پہنچ جائیں گے۔

یاد رہے کہ وزیر اعظم نواز شریف لندن میں علاج کے بعد سے لاہور میں اپنی رہائش گاہ جاتی امرا میں قیام پزیر ہیں۔