ARYNews.tv | Urdu – Har Lamha Bakhabar

نوازشریف کی غیرجمہوری سوچ ایک بارپھربےنقاب ہوگئی،عمران خان

Written by

ویب ڈیسک

in

اسلام آباد : پاکستان تحریک انصاف کے سربراہ عمران خان کا کہنا ہے نوازشریف کی غیرجمہوری سوچ ایک بار پھر بےنقاب ہوگئی۔

تفصیلات کے مطابق پی ٹی آئی چیئرمین عمران خان نے سماجی رابطے کی ویب سائٹ ٹوئٹر پر کہا ہے کہ نواز شریف کی غیرجمہوری سوچ پھربے نقاب ہوگئی، نوازشریف کہتے ہیں ان کا احتساب صرف عوام کرسکتے ہیں، نوازشریف کی ایسی سوچ جمہوریت کے منافی ہے۔

عمران خان نے کہا کہ عوام منتخب نمائندوں سے جوابدہ ہونے کی توقع رکھتے ہیں،عوام منتخب نمائندوں سے قانون کی پامالی کی توقع نہیں رکھتے، اسلامی اور مغربی جمہوری روایات میں قانون کی نظرمیں سب برابر ہیں، ادارے مضبوط، حکومت قانون کے سامنے جواب دہ ہوں تو ترقی ممکن ہے۔


عمران خان کا ٹوئٹ میں مزید کہنا تھا کہ الیکشن جمہوریت کے لئےاہم ہیں،قانون اوراحتساب بھی اتنے ہی اہم ہیں۔

یاد رہے کہ گزشتہ روز وزیراعظم نواز شریف نے حویلی بہادر شاہ پاور پلانٹ کی افتتاحی تقریب سے خطاب کرتے ہوئے کہا تھا کہ کہ ہمارےمخالفین کو یہی تکلیف ہے کہ پاکستان ترقی کررہا ہے۔

مزید پڑھیں : مخالفین کو یہی تکلیف ہے کہ پاکستان ترقی کررہا ہے، نوازشریف

نواز شریف نے عمران خان کا نام لئے بغیر کہا کہ میرا احتساب صرف عوام کرسکتے ہیں، جنہوں نے ہمیں روکنے کیلئےآسمان سر پراٹھا رکھا انہیں بتانا چاہتا ہوں، آسمان سر پراٹھانے والے کچھ بھی کرلیں ترقی کا سفرجاری رہے گا، گزشتہ چارسالوں سے آپ جو کچھ کررہے ہیں وہ پوری قوم جانتی ہے۔

اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

More posts