ممبئی: بالی ووڈ اداکارہ یامی گوتم نے خوبصورت انداز میں چاکلیٹ کھاتے ہوئے اپنی تصویر شیئر کی جسے مداحوں کی جانب سے سراہا جارہا ہے۔
تفصیلات کے مطابق فلم صنم رے سے شہرت کی بلندیوں پر پہنچنے والی اداکارہ یامی گوتم نے گزشتہ روز ورلڈ چاکلیٹ ڈے کے موقع پر خوبصورت انداز میں چاکلیٹ کھاتے ہوئے ویڈیو شیئر کی جسے مداحوں کی جانب سے پسند کیا جارہا ہے۔
سوشل میڈیا ویب سائٹ انسٹا گرام پر یامی گوتم نے لکھا ہے کہ میری پلیٹ کو دیکھو، یامی گوتم ان دنوں اپنی نئی آںے والی فلم بتل گل میٹر چالو میں شاہد کپور اور شردھا کپور کے ساتھ نظر آئیں گی۔
Celebrate #WorldChocolateDay by sharing your favourite chocolate moments with me. Use #Happinessischocolate and share your stories to win an exciting gift from me 😀🍫🍩🍪🍬🎂 pic.twitter.com/LEOj3Mm6Kv
— Yami Gautam (@yamigautam) July 7, 2018
فلم میں یامی گوتم شاہد کپور کے ساتھ عدالت میں مقدمہ لڑتی ہوئی نظر آئیں گی، اداکارہ نے فلم کی شوٹنگ سے قبل ممبئی کی عدالتوں میں کئی سماعتوں میں بھی شرکت کی تاکہ وہ اپنے کردار سے انصاف کرسکیں۔
یامی گوتم متعدد بالی ووڈ فلموں میں اداکاری کے جوہر دکھا چکی ہیں، جن میں ریتھک روشن کے ساتھ قابل، جنونیت، وکی ڈونر، ایکشن جیکسن، بدلا پور، پاکستانی سنگر علی ظفر کے ہمراہ ٹوٹل سیاپا، سرکار تھری شامل ہیں تاہم انہیں شہرت فلم صنم رہے کے ذریعے ملی۔
اداکارہ نے اپنے کیریئر کا آغاز ماڈلنگ سے کیا پھر انہوں نے چھوٹی اسکرین پر پہلے ڈرامے چاند کے پار چلو میں اداکاری کے جوہر دکھائے، ڈرامے کی کامیابی کے بعد انہیں بالی ووڈ سے فلم وکی ڈونر آفر ہوئی جو باکس آفس پر کامیاب ثابت ہوئی۔