ممبئی: بالی ووڈ کی نئی آنے والی فلم ’ٹھگز آف ہندوستان‘ نے پہلے ہی روز میں کمائی کا نیا ریکارڈ بناتے ہوئے ایک دن میں باکس آفس پر 52 کروڑ روپے سے زائد کا بزنس کرلیا۔
تفصیلات کے مطابق 8 نومبر کو بالی ووڈ کی سب سے بڑی قرار دی جانے والی فلم ’ٹھگز آف ہندوستان‘ ملک بھر میں ریلیز کی گئی۔
مسٹر پرفیکٹ اور لیجنڈری اداکار امیتابھ بچن مداحوں کو متاثر کرنے میں کامیاب رہے یہی وجہ ہے کہ فلم نے پہلے ہی روز باکس آفس پر 52 کروڑ 25 لاکھ کا کاروبار کیا اور نیا ریکارڈ اپنے نام کیا، بالی ووڈ کی تاریخ میں اب تک کسی فلم نے پہلے روز اتنا بزنس نہیں کیا۔
مزید پڑھیں: ٹھگز آف ہندوستان کی شوٹنگ دھماکے کے ساتھ اختتام پذیر
معروف فلم تجزیہ نگار ترن آدرش نے اعداد و شمار کے حوالے سے ٹویٹ کیا جس میں بتایا گیا کہ دیولی کی چھٹی ’ٹھگز آف ہندوستان‘ کے نام رہی کیونکہ فلم نے باکس آفس پر نیا ریکارڈ بنایا۔
#ThugsOfHindostan smashes *all records* [Hindi films] as it breaches ₹ 50 cr on *Day 1*… Sets new BENCHMARKS in some circuits… Big holiday [#Diwali] + tremendous hype + massive screen count help put up a SENSATIONAL TOTAL…
— taran adarsh (@taran_adarsh) November 9, 2018
آدرش کے مطابق فلم نے پہلے روز 50 کروڑ کا بزنس کیا جبکہ تامل اور تیگلو زبان میں ریلیز کی جانے والی ’ٹھگز آف ہندوستان‘ نے پہلے ہی روز ڈیڑھ کروڑ سے زائد کا ریکارڈ بزنس کیا۔
Thu biz…
Hindi: ₹ 50.75 cr.
Tamil + Telugu: ₹ 1.50 cr
Total: ₹ 52.25 cr [5000 screens]
India biz.
Highest Day 1 for a #Diwali release
Highest Day 1 for YRF film
Highest Day 1 for a Hindi film
— taran adarsh (@taran_adarsh) November 9, 2018
عامر خان نے تاریخی ریکارڈ بننے پر خوشی کا اظہار کرتے ہوئے مداحوں کا شکریہ ادا کیا، اُن کا کہنا تھا کہ ’میں فلم بینوں کا بہت زیادہ مشکور اور احسان مند ہوں کہ انہی کی وجہ سے یہ سب ممکن ہوا‘۔
یہ بھی دیکھیں: کترینہ کی مدد کر کے امیتابھ اور عامر خان نے دل جیت لیے، ویڈیو وائرل
واضح رہے کہ یش راج فلمز کے بینر تلے بنائی جانے والی فلم میں ہدایت کاری کے امور وجے کرشنا نے انجام دیے جبکہ عامر خان، امیتابھ بچن، کترینہ کیف اور فاطمہ شیخ سمیت دیگر اداکار وں نے مرکزی کردار ادا کیا۔