دبئی : وزیراعظم عمران خان نے متحدہ عرب امارات پہنچنے کے بعد ولی عہد سے ملاقات کی اور مختلف امور سمیت ملکی معاشی صورت حال پر تفصیلی تبادلہ خیال کیا۔
تفصیلات کے مطابق عمران خان ایک روزہ دورے پر اپنے وفد کے ہمراہ متحدہ عرب امارات پہنچے جہاں انہوں نے ولی عہد شیخ محمد زیب بن سلطان النہیان اور حاکم دبئی سے علیحدہ علیحدہ ملاقاتیں کیں۔
ولی عہد شیخ زید بن سلطان سے صدارتی محل میں ملاقات
وزیراعظم عمران خان کی ولی عہدشیخ محمدبن زیدبن سلطان النہیان سےملاقات صدارتی محل میں ہوئی، جس میں باہمی امور اور خطے کی صورتحال پر تفصیلی تبادلہ خیال اور دو طرفہ تجارت سمیت معیشت کی بہتری کے معاملات پر بات چیت ہوئی۔
Prime Minister Imran Khan was received by Crown Prince of UAE H.H Sheikh Mohammed bin Zayed and had been presented with a guard of honour at an official reception ceremony held at the Presidential Palace in Abu Dhabi.@PTVNewsOfficial@uaegov@pid_gov#PMIKVisitsUAE 🇵🇰🇦🇪 pic.twitter.com/TrI8N4sYpW
— Prime Minister’s Office, Pakistan (@PakPMO) November 18, 2018
شیخ زید مسجد کا دورہ اور نماز ادائیگی
اس موقع پر وزیراعظم عمران خان نےشاہی محل میں مہمانوں کی کتاب میں اپنے تاثرات تحریر کیے، بعد ازاں وزیر اعظم نے شیخ زید کی مسجد کا دورہ کیا جہاں اُن کا استقبال مسجد کے ڈائریکٹر جنرل یوسف البیدی نے کیا جہاں وزیراعظم عمران خان نے نماز بھی ادا کی۔
راشد بن محمد المکتوم سے ملاقات
بعد ازاں وزیراعظم عمران خان اور آرمی چیف جنرل قمر جاوید باجوہ نے زبیل محل کا دورہ کیا جہاں اُن کا استقبال شیخ راشد بن محمد المکتوم نے کیا، دونوں رہنماؤں کی ملاقات میں دو طرفہ باہمی تعلقات پر تفصیلی تبادلہ خیال کیا گیا۔
ہم وزیراعظم پاکستان@ImranKhanPTI كو متحدہ عرب امارات میں خوش آمدید کہتے ہیں، ہمارے بھائی چارے اور باھمی تجارت کی لمبی تاریخ ہے، ہمیں ان مشترکہ تعلقات پر فخر ہے۔ pic.twitter.com/wVdCjDzWSY
— HH Sheikh Mohammed (@HHShkMohd) November 18, 2018
وزیر اعظم نے شیخ زید سلطان کو خصوصی خراج تحسین پیش کرتے ہوئے کہا کہ ’پاکستان اور یو اے ای کے تعلقات کی بنیاد زید سلطان نے ہی رکھی، اُن کا شمار پاکستان کے مخلص دوستوں میں سے تھا، پاکستانی عوام کےدل میں شیخ زیدبن سلطان کی بےپناہ عزت ہے‘۔
عمران خان نے نوجوانوں اور خواتین کو بااختیار بنانے میں یو اے ای کے کردار کی تعریف کرتے ہوئے کہا کہ ’متحدہ عرب امارات نے سیاحت، بہترین طرزِ حکمرانی کے لیے ٹیکنالوجی کا زبردست استعمال کیا‘۔
Crown Prince Mohamed bin Zayed receives Pakistan’s Prime Minister Mr. Imran Khan at an official reception ceremony at the Presidential Palace in Abu Dhabi.
Guard of Honor was given to Prime Minister Imran Khan
🇵🇰🇦🇪 pic.twitter.com/lGilEkfmlp
— Prime Minister’s Office, Pakistan (@PakPMO) November 18, 2018
گارڈ آف آنر پیش کیا گیا
ولی عہد شیخ محمد زید بن سلطان النہیان نے شاہی محل پہنچنے پر وزیراعظم عمران خان کا استقبال کیا، یو اے ای مسلح افواج کے ڈپٹی سپریم کمانڈربھی استقبال کے لیے موجود تھے، وزیراعظم کو گارڈ آف آنر پیش کیا گیا.
اس دورے میں وزیراعظم کے ہمراہ آرمی چیف جنرل قمرجاوید باجوہ ، وزیرخزانہ ، وزیر پٹرولیم، وزیر پاور ڈویژن اور مشیر تجارت بھی شامل تھے جبکہ متحدہ عرب امارات میں پہلے سے موجود وفاقی وزیرخارجہ شاہ محمود قریشی بھی وفد میں شامل ہوئے۔
Prime Minister Imran Khan and Crown Prince H.E Mohamed bin Zayed discussed enhancing bilateral ties as well as a number of issues of mutual interest between Pakistan and UAE.
🇵🇰🇦🇪 pic.twitter.com/KtrZV7q286
— Prime Minister’s Office, Pakistan (@PakPMO) November 18, 2018
وزیراعظم عمران خان نے دورہِ متحدہ عرب امارات میں مختلف شعبوں میں سرمایہ کاری ، دو طرفہ تعاون پر مذاکرات کیے۔
ترجمان وزیراعظم آفس کے مطابق وزیراعظم عمران خان کو دورے کی دعوت ولی شیخ محمد زید بن سلطان النہیان کی جانب سے دی گئی تھی۔
وزیرخارجہ کی یواے ای کے وزیرخارجہ شیخ عبداللہ بن زید النہیان سے ملاقات
یاد رہے کہ گزشتہ روز وزیرخارجہ شاہ محمودقریشی نے یواے ای کے وزیرخارجہ شیخ عبداللہ بن زید النہیان سے ملاقات کی تھی، جس میں باہمی دلچپسی اور تعاون کے اموراورخطے کی صورت حال پرتبادلہ خیال کیا گیا تھا۔