راولپنڈی: صوبہ پنجاب کے شہر راولپنڈی میں واقع مکان میں گیس لیکج کے باعث ہونے والے دھماکے کے نتیجے میں خاتون سمیت 3 افراد جھلس کر جاں بحق ہوگئے۔
تفصیلات کے مطابق راولپنڈی کے علاقے ڈھوک چوہدریاں میں مکان میں گیس لیکج کے باعث ہونے والے دھماکے میں بچے سمیت 2 خواتین جان کی باز ہار گئیں۔
دھماکے کی اطلاع ملتے ہی فائربریگیڈ اور ریسکیو اہلکار فوراََ ً موقع پر پہنچے اورآگ بجھانے کے ساتھ امدادی کارروائیوں کا آغاز کیا۔ ریسکیو اہلکاروں کے مطابق دھماکے سے لگنے والی آگ بجھا دی گئی۔
ریسکیو حکام کا کہنا ہے کہ دھماکے کے نتیجے میں جاں بحق ہونے والے افراد کی لاشوں کو ڈی ایچ کیو اسپتال منتقل کردیا گیا۔
راولپنڈی: گھرمیں گیس لیکج سے دھماکا‘ خاتون زخمی
یاد رہے کہ راولپنڈی میں ایک ہفتے کے دوران گیس لیکج کے باعث گھر میں دھماکے کا یہ دوسرا واقعہ ہے اس سے قبل 13 جنوری کو بھی گیس لیکج کے باعث ہونے والے دھماکے کے نتیجے میں خاتون زخمی ہوگئی تھیں۔
واضح رہے کہ گزشتہ سال 23 دسمبرکوکوئٹہ کے علاقے ہزار گنجی میں واقع گھر میں گیس لیکج کے باعث ہونے والے دھماکے میں میاں بیوی سمیت 6 افراد جھلس کر شدید زخمی ہوگئے تھے۔