اسلام آباد : وزیراعظم عمران خان نےوفاقی کابینہ کااجلاس کل طلب کرلیا، جس میں پاکستانی ویزاپالیسی میں نرمی ،قومی انسدادمنشیات پالیسی 2018 اور حج پالیسی پلان سے متعلق بریفنگ دی جائےگی۔
تفصیلات کے مطابق وزیراعظم عمران خان نے وفاقی کابینہ کااجلاس کل طلب کرلیا، اجلاس کل صبح ساڑھے11 بجے ہوگا، جس کے لئے 20 نکاتی ایجنڈا جاری کردیا گیا ہے۔
اجلاس میں کابینہ کوپاکستانی ویزاپالیسی میں نرمی سےمتعلق بریفنگ دی جائےگی، مشیرعشرت حسین ادارہ جاتی اصلاحات پرکابینہ کورپورٹ پیش کریں گے۔
وفاقی کابینہ اجلاس میں قومی انسدادمنشیات پالیسی 2018 ، حج پالیسی پلان2019 پیش کیاجائےگا جبکہ کابینہ کوغیرفعال سرکاری اداروں پربریفنگ دی جائےگی۔
وزیراعظم یوتھ ٹریننگ اسکیم کیلئے تکنیکی اضافی گرانٹ کی منظوری، پاک سعودی عرب کھیلوں کےشعبےمیں معاہدےکی منظوری اور چیئرمین پورٹ قاسم اتھارٹی کےتقرر کی منظوری بھی ایجنڈے میں شامل ہیں۔
کراچی انفراسٹرکچرڈویلپمنٹ کمپنی کی مواصلات سے کابینہ ڈویژن کومنتقلی، پاک لیبیاہولڈنگ کمپنی اورنیشنل انویسٹمنٹ ٹرسٹ کےایم ڈیزکی تقرری بھی ایجنڈے کا حصہ ہیں۔
کابینہ اجلاس میں ڈپٹی گورنراسٹیٹ بینک جمیل احمدکےتقررکیلئےقواعدکی منظوری اور سول ڈیفنس کیلئے31.44ملین کی اضافی گرانٹ کی منظوری دی جائےگی جبکہ مختلف ممالک کےساتھ معاہدوں اورمفاہمتی یادداشتوں کی منظوری ایجنڈے میں شامل ہیں۔