کراچی / اسلام آباد: عالمی بلین مارکیٹ میں سونے کی فی اونس قیمت میں 15 ڈالر کمی ریکارڈ کی گئی جس کے مثبت نتائج مقامی صرافہ بازاروں پر بھی نظر آئے۔
تفصیلات کے مطابق انٹرنیشنل مارکیٹ میں ٹریڈنگ کے دوران سونے کی فی اونس قیمت میں 15 ڈالر کی کمی ہوئی جس کے بعد فی اونس قیمت 1270 ڈالر تک پہنچیں۔ جیولرز ایسوسی ایشن کے چیئرمین محمد ارشد کے مطابق عالمی مارکیٹ میں قیمت کم ہونے کے بعد مقامی صرافہ بازاروں میں سونے کی فی تولہ اور دس گرام قیمتوں میں نمایاں کمی دیکھی گئی۔
سونے کی فی تولہ قیمت میں 900 روپے جبکہ دس گرام میں 770 روپے کی کمی ہوئی جس کے بعد بالترتیب فی تولہ کی قیمت 68 ہزار اور دس گرام کی قیمت 58 ہزار تین سو روپے تک پہنچیں۔ کراچی، حیدر آباد، سکھر، ملتان، فیصل آباد، لاہور، اسلام آباد، راولپنڈی، پشاور اور کوئٹہ کے صرافہ بازاروں میں سونے کی لین دین نئے ریٹ کے ساتھ ہوئی۔ دوسری جانب مقامی صرافہ بازاروں میں چاندی کی فی تولہ خرید و فروخت 870 روپے کے ساتھ ہوئی۔
مزید پڑھیں: سونے کی قیمتیں فی تولہ 68ہزار 900 پر مستحکم
یاد رہے کہ 30 اپریل کو مقامی صرافہ بازاروں میں سونے کی فی تولہ قیمتیں 68 ہزار 900 اور دس گرام 59 ہزار 70 روپے تک پہنچیں تھیں۔ انٹرنیشنل مارکیٹ میں ٹریڈنگ کے دوران سونے کی قیمت 1285 ڈالر فی اونس پر مستحکم رہیں تھیں جس کے باعث مقامی مارکیٹوں میں بھی قیمتیوں میں کوئی ردوبدل نہیں ہوا تھا۔
آج 02 مئی 2019 کے نرخ
فی تولہ قیمت 68،000
دس گرام قیمت 58،300
یاد رہے کہ تین روز قبل عالمی بلین مارکیٹ میں سونے کی فی اونس قیمتوں میں 5 ڈالر کا اضافہ ریکارڈ کیا گیا تھا جس کے بعد مقامی صرافہ بازاروں میں سونے کی فی تولہ قیمت 500 روپے زیاد ہوگئی تھی۔
واضح رہے کہ 23 اپریل کو انٹرنیشنل مارکیٹ میں ٹریڈنگ کے دوران سونے کی قیمت میں 6 ڈالر کی کمی ریکارڈ ہوئی جس کے بعد سونے کی قیمت 1278 سے کم ہو کر1272 فی اونس تک پہنچ گئیں تھیں۔ بلین مارکیٹ میں کمی کے بعد مقامی صرافہ بازاروں میں سونے کی لین دین 900 روپے فی تولہ کمی کے ساتھ ہوئی تھی۔ چار روز قبل مارکیٹ میں سونا فی تولہ 68 ہزار 800 جبکہ دس گرام 772 روپے کم ہوکر 58 ہزار 984 روپے تک پہنچا تھا۔
یہ بھی پڑھیں: سونے کی قیمتیں فی تولہ 68ہزار 900 پر مستحکم
یہ بھی یاد رہے کہ 13 روز قبل بلین مارکیٹ میں 03 ڈالر اضافے کے بعد قیمت فی اونس 1291 تک پہنچ گئیں تھیں، 23 اپریل سے قبل گزشتہ دس روز میں ٹریڈنگ کے دوران قیمتیں کم ہوئیں اور مجموعی طور پر 19 ڈالر کم ہوئے۔
پاکستان کے صرافہ بازاروں میں 13 اپریل کو سونے کی فی تولہ قیمت 50 روپے اضافے کے بعد 71ہزار 50 جبکہ 10 گرام 43 روپے بڑھ کر 60 ہزار 913 تک پہنچی تھیں۔ جیولیرز ایسوسی ایشن کے مطابق دس روز کے دوران سونے کی فی تولہ قیمتوں میں 2250 روپے کمی ہوئی۔