اسلام آباد : وزیرسائنس اینڈ ٹیکنالوجی فواد چوہدری نے نوبل انعام یافتہ ملالہ یوسف زئی کو سالگرہ کی مبارک باد دیتے ہوئے کہا آپ اسٹار آف دی سنچری ہیں۔
تفصیلات کے مطابق وزیرسائنس اینڈ ٹیکنالوجی فواد چوہدری نے سماجی رابطے کی ویب سائٹ ٹوئٹر پر نوبل انعام یافتہ ملالہ یوسف زئی پیغام میں کہا سالگرہ مبارک ہو،آپ اسٹارآف دی سنچری ہیں، آپ کو اکتوبر میں تھنک فیوچرکانفرنس میں بطور اسٹار گیسٹ مدعو کیا جائے گا۔
Happy Birthday … you are our star of the Century…. Sending you invite to be Star guest in our #ThinkFuture Conference in October to be held in Islamabad….. https://t.co/2a7sH79GSb
— Ch Fawad Hussain (@fawadchaudhry) July 13, 2019
خیال رہے نوبل انعام حاصل کرنے والی پاکستان کی پہچان ملالہ یوسفزئی کو 22ویں سالگرہ کے موقع پر دنیا بھر سے مبارک باد کے پیغامات موصول ہوئے، جس پر ملالہ یوسف زئی نے شکریہ ادا کیا۔
ملالہ یوسفزئی نے اپنی سالگرہ کا دن ایتھوپیا کی نوجوان لڑکیوں کے ساتھ گزارا اور اُن سے سیکھا کہ وہ کس طریقے سے خواتین کی تعلیم اور صنفی امتیاز کے لیے کام کررہی ہیں۔