اسلام آباد: معاون خصوصی برائے اطلاعات فردوس عاشق اعوان بھارتی ناانصافیوں اور کشمیریوں پرظلم کا مقدمہ ہرفورم پر پیش کریں گے۔
تفصیلات کے مطابق سماجی رابطے کی ویب سائٹ ٹویٹر پر فردوس عاشق اعوان نے اپنے پیغام میں کہا کہ مقبوضہ کشمیر کی صورت حال پر ڈونلڈ ٹرمپ کا مصالحانہ کردار خوش آئند ہے، وزیراعظم عمران خان جس طرح دنیا میں کشمیر کا مقدمہ پیش کیا، قوم کو اس پر فخر ہے۔
مقبوضہ کشمیر کی صورتحال اور خطے میں امن کے لئے صدر ٹرمپ کا مصالحانہ کردار خوش آئند ہے۔ وزیراعظم عمران خان نے جس پر زور طریقے سے دنیا میں کشمیر کا مقدمہ پیش کیا، قوم کو اس پر فخر ہے۔ عالمی برادری یکطرفہ بھارتی اقدامات اور کشمیر کی صورتحال کا نوٹس لیتے ہوئے تشویش کا اظہار کررہی ہے۔
— Dr. Firdous Ashiq Awan (@Dr_FirdousAwan) August 20, 2019
فردوس عاشق اعوان نے کہا کہ عالمی برادری بھارتی اقدامات اور کشمیر کی صورت حال پر تشویش کا اظہار کررہی ہے۔
انہوں نے کہا کہ سلامتی کونسل کے اجلاس سے بھارتی دعوے کی نفی ہوئی کہ کشمیر اس کا اندورنی معاملہ ہے، بھارت یکطرفہ اقدامات سے حقائق تبدیل کرسکتا ہے اور نا ہی دنیا کی آنکھوں میں دھول جھونک سکتا ہے۔
سلامتی کونسل کے اجلاس سے بھارتی دعوے کی نفی ہوئی کہ کشمیر اس کا اندرونی معاملہ ہے۔ بھارت یکطرفہ اقدامات سے حقائق تبدیل کر سکتا ہے اور نہ ہی دنیا کی آنکھوں میں دھول جھونک سکتا ہے۔
— Dr. Firdous Ashiq Awan (@Dr_FirdousAwan) August 20, 2019
معاون خصوصی برائے اطلاعات نے کہا کہ بھارتی ناانصافیوں اور کشمیریوں پرظلم کا مقدمہ ہرفورم پر پیش کریں گے، ہرفورم پربھارت کو اس کے ظلم وبربریت کا آئینہ دکھائیں گے۔
فردوس عاشق اعوان نے کہا کہ حق خودارادیت کی جدوجہد میں پاکستان کشمیریوں کے ساتھ ہے، آزادی کی صبح تک کشمیریوں کی حمایت جاری رہے گی۔
بھارتی ناانصافیوں اور کشمیریوں پر ظلم کا مقدمہ ہر فورم پر پیش کرتے رہیں گے۔ ہر فورم پر بھارت کو اس کے ظلم و بربریت کا آئینہ دکھائیں گے۔حق خود ارادیت کی جدوجہد میں پاکستان کشمیریوں کے ساتھ ڈٹ کر کھڑا ہے۔ آزادی کی صبح تک کشمیریوں کی سیاسی، سفارتی اور اخلاقی حمایت جاری رہے گی۔
— Dr. Firdous Ashiq Awan (@Dr_FirdousAwan) August 20, 2019
بھارت مقبوضہ کشمیر میں کشمیریوں کی نسل کشی کررہا ہے، فردوس عاشق اعوان
یاد رہے کہ گزشتہ ہفتے معاون خصوصی برائے اطلاعات فردوس عاشق اعوان کا کہنا تھا کہ بھارت مقبوضہ کشمیر میں کشمیریوں کی نسل کشی کررہا ہے۔