کراچی: شاہ لطیف میں شہری کی فائرنگ سے 2 ڈاکو ہلاک

کراچی: شہر قائد کے علاقے شاہ لطیف میں شہری کی فائرنگ سے 2 ڈاکو ہلاک ہوگئے، جائے وقوعہ سے 2 پستول قبضے میں لے لیے گئے۔

تفصیلات کے مطابق کراچی کے علاقے شاہ لطیف میں ڈکیتی کے لیے گھر میں داخل ہونے والے دونوں ڈاکو شہری کی فائرنگ سے ہلاک ہوگئے۔

ایس ایس پی ملیر کا کہنا ہے کہ دونوں ڈاکو ڈکیتی کے لیے شہری کے گھرمیں داخل ہوئے تھے، فائرنگ کر نے والا شہری پیشے سے ایڈووکیٹ ہے۔

ایس ایس پی کے مطابق ہلاک ڈاکوخمیسو، شہزور کا تعلق شکارپور سے تھا، جائے وقوعہ سے 2 پستول قبضے میں لے لیے گئے، پولیس نے شہری کی پستول بھی تحویل میں لے لی۔

کراچی میں پولیس مقابلہ، اہلکار شہید، 2 ڈاکو ہلاک

یاد رہے کہ گزشتہ ہفتے کراچی میں ناظم آباد کےعلاقےعیدگاہ میں موٹرسائیکل لفٹرزسے مقابلےمیں اہلکارذیشان شہید جبکہ دو ڈاکو موقع پر ہی مارے گئے تھے۔

ایس ایس پی کے مطابق ہلاک ملزمان خضدار کے رہائشی تھے، اسلحہ برآمد ہوا، ملزمان کا گروہ 6 افراد پر مشتمل ہے۔

کراچی، رینجرز کی مختلف علاقوں میں کارروائیاں، 16 ملزمان گرفتار

واضح رہے کہ 19 ستمبر کو رینجرز نے کراچی کے مختلف علاقوں میں کارروائی کرتے ہوئے 16 ملزمان کو گرفتار کرکے اسلحہ اور منشیات برآمد کی تھی۔