لاہور : وزیراعلیٰ پنجاب عثمان بزدار نے کہا ہے کہ صوبے میں معاشی اصلاحات کے حوصلہ افزا نتائج سامنے آرہے ہیں، کاروبار میں آسانیاں لانے سے سرمایہ کاری کو فروغ ملے گا۔
یہ بات انہوں نے مختلف اضلاع سے تعلق رکھنے والے اراکین اسمبلی سے ملاقات کے موقع پر کہی۔ تفصیلات کے مطابق لاہور میں وزیراعلیٰ پنجاب سے اراکین اسمبلی نے ملاقات کرکے ان کو اپنے حلقوں کے مسائل سے آگاہ کیا۔
وزیراعلیٰ پنجاب نے اراکین اسمبلی کو ان کے مسائل جلد حل کرنے کی یقین دہانی کرائی، عثمان بزدار نے کہا کہ کاروبار میں28درجے بہتری روشن معاشی مستقبل کی دلیل ہے۔
عالمی بینک نے بزنس رپورٹ میں اصلاحات کا اعتراف کیا ہے، انہوں نے کہا کہ پاکستان2020میں سرمایہ کاری کیلئے موزوں ممالک میں سرفہرست ہوگا۔
پنجاب میں معاشی اصلاحات کے حوصلہ افزا نتائج سامنے آرہے ہیں، کاروبار میں آسانیاں لانے سے سرمایہ کاری کو فروغ ملے گا۔
غریب لوگوں کی زندگی میں بہتری لانا حکومتی ترجیحات کا حصہ ہے، عثمان بزدار
یاد رہے کہ گزشتہ ہفتے وزیراعلیٰ پنجاب سردار عثمان بزدار کا کہنا تھا کہ غریب لوگوں کی زندگی میں بہتری لانا حکومتی ترجیحات کا حصہ ہے، غریبوں کی فلاح وبہبود کے ہر ممکن وسائل بروئے کار لائے جائیں گے۔
وزیراعلیٰ پنجاب نے کہا کہ غربت کے خاتمے کے لیے معاشرے کا ہر فرد اپنا موثر کردار ادا کرے، غریبوں کی فلاح وبہبود کے ہر ممکن وسائل بروئے کار لائے جائیں گے۔