اسلام آباد: وفاقی وزیر برائے سائنس اینڈ ٹیکنالوجی فواد چوہدری نے کہا کہ پاکستان تحریک انصاف کی حکومت کو کمزور سمجھنے کی غلطی نہ کرنا۔
تفصیلات کے مطابق وفاقی وزیر سائنس اینڈ ٹیکنالوجی فواد چوہدری نے سماجی رابطے کی ویب سائٹ ٹویٹر پر اپنے پیغام میں کہا کہ پی ٹی آئی حکومت کو کمزور سمجھنے کی غلطی نہ کرنا۔
فواد چوہدری نے کہا کہ تحمل کا مظاہرہ وزیراعظم کی ہدایت پرکر رہے ہیں، ورنہ ایک اشارے پر5 پیادوں اوران کے چمچوں پر زمین تنگ کر دیں۔
Dont dare to under estimate #PTIGovernment we are exercising self restraint because @ImranKhanPTI has desired so, if he makes a call these bunch of opportunists ll not find a place to hide in Pakistan
— Ch Fawad Hussain (@fawadchaudhry) November 2, 2019
وفاقی وزیر نے کہا کہ حلوہ مارچ کا دوسرا دن بدبو سے پشاور موڑ کے گردونواح میں تعفن پھیل گیا ہے اور سی ڈی اے کو کروڑوں روپے کا فنڈ مختص کرنا پڑ رہا ہے۔
فواد چوہدری نے مزید کہا کہ کیا ہی اچھا ہو کہ حلوے کھانے کے بعد صفائی کا انتظام بھی خود کریں جیسے کہ تحریک انصاف کے رضا کار کرتے تھے۔
حلوہ مارچ کا دوسرا دن بدبو سے پشاور موڑ کے گردو نواح میں تعفن پھیل گیا ہے اور CDA کو کروڑوں روپے کا فنڈ مختص کرنا پڑ رہا ہے صفائ کیلئے، کیا ہی اچھا ہو کہ حلوے کھانے کے بعد صفائ کا انتظام بھی خود کریں جیسے کہ PTI کے والنٹئرز کرتے تھے۔
— Ch Fawad Hussain (@fawadchaudhry) November 2, 2019
ضروری نہیں کہ مولانا فضل الرحمان کے تمام مطالبات مانے جائیں، علی محمد خان
یاد رہے کہ گزشتہ روز وزیر مملکت برائے پارلیمانی امور علی محمد خان کا کہنا تھا کہ ضروری نہیں کہ مولانا فضل الرحمان کے تمام مطالبات مانے جائیں، معاہدہ توڑا گیا تو قانون حرکت میں آجائے گا۔
علی محمد خان کا کہنا تھا کہ مولانا نے دو دن اور پاکستانی عوام نے 5 سال کا وقت دیا ہے، ضروری نہیں کہ مولانا کے مطالبات مانے جائیں۔