نوجوان نے ’’مجھے پریشان نہ کرو‘‘ لکھ کر دروازے پر لگایا اور خودکشی کرلی

دہلی: بھارت میں نوجوان نے اپنے کمرے کے دروازے پر ’’مجھے تنگ نہ کرو‘‘ لکھ کرلگایا اور خودسوزی کرلی۔

بھارتی میڈیا کے مطابق بھارتی شہر دہلی میں 24 سالہ نوجوان کی لاش 5اسٹار ہوٹل کے کمرے سے ملی، دروازے کے باہر ایک بینر چسپاں تھی جس میں لکھا تھا ’’مجھے پریشان نہ کرو‘‘ پولیس نے تحقیقات کا آغاز کردیا۔

پولیس کا کہنا ہے کہ نوجوان کی شناخت کرن چاندرا نے نام سے ہوئی۔ ہوٹل انتظامیہ کا کہنا ہے کہ عملے نے کمرے میں کال کی تو رہائش پذیر نوجوان نے کوئی جواب نہیں دیا، کافی انتظار کے بعد روم سے بدبو آنے لگی، بعد زاں پولیس کے ہمراہ دروازہ توڑا تو نوجوان کی لاش سامنے پڑی تھی۔

لاش کے پاس سے مختلف قسم کی ادویات بھی ملی ہیں، ابتدائی طور پر کہا گیا ہے کوئی زہریلی شے کھانے سے نوجوان کی موت واقع ہوئی، تاہم پولیس نے ہوٹل انتظامہ کو زیر تفیش لے کر کارروائی کا آغاز کردیا۔

پولیس حکام کے مطابق لاش کو رام مناہر نامی اسپتال میں منتقل کردیا گیا ہے۔ نوجوان نے 19 جنوری کو فائیو اسٹار ہوٹل کا کمرہ بک کرایا تھا۔ جبکہ موت 20 جنوری کو واقع ہوئی۔ پولیس نے موت کی وجوہات جاننے کے لیے کوششیں تیز کردیں۔