ماؤنٹ ماؤنگانوئی: نیوزی لینڈ بھارت کو ون ڈے سیریز میں وائٹ واش کر کے ٹی ٹوئنٹی سیریز کی ہزیمت کا بدلہ چکا دیا۔
ماؤنٹ ماؤنگانوئی میں کھیلے گئے سیریز کے تیسرے اور آخری میچ میں بھی بلند حوصلہ کیوی ٹیم نے بھارت کو پچھاڑ دیا، میزبان ٹیم نے مطلوبہ ہدف 5 وکٹوں پر حاصل کر کے سیریز میں کلین سوئپ کر لیا۔
A comfortable win for New Zealand to clinch the series 3-0 👏https://t.co/e8eRNnv9L5 #NZvIND pic.twitter.com/Q7WtIxc7th
— ESPNcricinfo (@ESPNcricinfo) February 11, 2020
کیوی ٹیم کے کپتان نے ٹاس جیت کر فیلڈنگ کو ترجیح دیتے ہوئے مہمان ٹیم کو بیٹنگ کرنے کی دعوت دی تو بھارتی بیٹنگ لائن ابتدا سے ہی لڑکھڑا گئی اور وقفے وقفے سے وکٹیں گرنے کا سلسلہ جاری رہا تاہم راہل نے سنچری بنا کر ٹیم کو مکمل تباہی سے بچایا۔
راہل نے 112 رنز کی ذمہ دارانہ اننگز کھیلی جب کہ لیر نے 62، شوا نے 40 اور پانڈے نے 42 رنز بنائے، کپتان ویرات کوہلی اس بار بھی خاطر خواہ کارکردگی دکھانے میں ناکام رہے اور صرف 9 رنز کے مہمان ثابت ہوئے۔نیوزی لینڈ کی جانب سے بینٹ نے سب سے زیادہ 4 کھلاڑیوں کو آؤٹ کیا۔
Correction: There was a fourth whitewash, away to Sri Lanka in 1997 pic.twitter.com/8OlrLWz1KY
— ESPNcricinfo (@ESPNcricinfo) February 11, 2020
ہدف کے تعاقب میں کیوی جوڑی نے پر اعتماد انداز میں بیٹنگ کرتے ہوئے 106 رنز کا اوپننگ اسٹینڈ فراہم کر کے جیت کی بنیاد رکھی، جس کے بعد مڈل آرڈر بیٹسمین بھی بغیر کسی دباؤ کے اننگز کو آگے بڑھاتے رہے اور مطلوبہ ہدف 5 وکٹوں کے نقصان پر حاصل کر لیا۔
اوپنر نکولس80 رنز بنا کر ٹاپ اسکورر رہے جب کہ گپٹل نے 66، گرینڈہومے نے 58، ولیمسن نے 22 اور لیتھم نے 32 رنز بنائے۔
New Zealand go from whitewashed to whitewashers in nine days 👌https://t.co/e8eRNnML9F #NZvIND pic.twitter.com/GaT3CySDJa
— ESPNcricinfo (@ESPNcricinfo) February 11, 2020
نیوزی لینڈ نے اس فتح کے ساتھ تین میچوں کی سیریز 0-3 سے جیت کر ٹی ٹوئنٹی سیریز میں وائٹ واش کا بدلہ لے لیا۔